SOBRE ACORDOS DI CONAKRY.

AMI I CA JURISTA MAAA, N'SIBI SÓ CUMA NÔ TA LESTO CU DISKICI! 

EM VEZ DI NO CUNSA HISTÓRIA NA RAIZ, NÔ TA BAI LOGO PA FRUTA.

Cuma ki nô ianda nô tchiga és acordo di Conakry?

Kin ki pidi mediaçon di comunidade internacional toki é ta bai tchigantanu na mon di CEDEAO?

Kin ki da kil 3 nomes? 

És cussas tudo i Jomav ku pidil! PR ki pui tudo djintis bai Conakry!

-NO SIBI TUDO CUMA PR CUDJI 3 NOMES DI SI CONFIANÇA, NO CALA BOCA IEM, SUMA SI CONTRA KIL GESTO I CONSTITUCIONAL.

- ODJA DJINTIS SAI DI CONAKRY, MANGA DI DJINTIS NA ÉS BANTABA DI FACEBOOK CONCENTRA NA FALA, CONSENSO CA TCHIGA DI EXISTE, PR CUDJI NA SI ROZON UM DI KIL 3 NOMES DI CONFIANÇA! Li dja tambi ninguim di difindinduris di és tesi ca lembra di CONSTITUIÇON.

-GOSSI DJA KI CEDEAO CONFIRMA NA BOCA DI SÉ PRESIDENTE CUMA CONSENSO TEM, I NOME DI CONSENSO I AUGUSTO OLIVAIS, TUDO MUNDO SAPORTA MAS CUMA ACORDO DI CONAKRY I INCONSTITUCIONAL.

MA NÔ TA MISTI CONTA BARDADI INDIPENDENTEMENTE DI NÔ SIMPATIAS OU NÔ MISTI CONTINUA VIVI NA INVERDADES?

ÉS KI HONESTIDADE KI NÔ PENSA SINA KIL MAS JOVENS?

Si PR dimiti um governo ki consegui 3 votos di confiança na parlamento, greves ca tchiga di tem, protestos popular contra kil governo nunca tchiga di tem...

Ma i cria tudo si motivações cu si acusaçons ki anós tudo nô sibi cuma i ca passa di fumo sim fugo...ma bô acha cuma i fassi bem, kê mas ki na admira bôs ou preocupa bôs di INCONSTITUCIONALIDADE, SABENDO KI I DISNA DI INÍCIO KI CONSTITUIÇON NA VIOLADO PA KIN KI DIBI DI SEDO SI GARANTE!!?

Anta i scrivido na constituiçon cuma PM dibi di sedo homi di confiança di PR?

I dibi di namora nan cu el ou tarbadju cu djunta elis? Ma PR misti na tudo cau tene homis di confiança (em poucas palavras, amigos di confiança=nepotismo), tudo djintis cala. 

És tudo i CONSTITUCIONAL?

CONSTITUIÇON VIOLADO MIL VEZES PA KIN KI LEBANU CONAKRY, NÔ CALA, GOSSI DJA CONSTITUCIONALIDADE DI KIL ACORDO KI NÔ PREOCUPA DI EL! 

NÔ PARA ÉS!

KIN KI MISTI BARDADI, I KIN KI TENE CORAGEM I CAPACIDADE DI DA SI AMIGO CULPA DIA KI KILA IARA SI INIMIGO. 

NÔ TENTA SEDO COERENTE NA CONTA BARDADI NÔ EVITA SINA MININUS MAU CUSSA.

Mantenhas

Por: Domingos Joao Braia

Nota do Editor

Nha ermon bu kabal nan FEP!!! Bodja na Mansoa n´ta fala ba nô parentis kuma, kusa mas difícil na MUNDO i explica CEGUS kuma arco-iris tem!!! Excelente!!!